+ A
A -
قطر حزينة عليك وفيك تبكي شعوب
أرضٍ وتبكي أبوها اللي رفع صيتها
زرعتها حُب.. لين أثمر ثراها قلوب
انت انت كبّرتها.. وانت انت ربيتها
حزين وجه الشمال بكل صبح وغروب
ويا هي مدينة خليفة شاحبٍ بيتها
والخور ودخان والريان لـ اقصى الجنوب
يا بو قطر كلها وشلون خليتها!
تلبس ثياب الحداد بلا غيوم وهبوب
بكّيتها في رحيلك.. صدق بكّيتها
صارت «يبه» يا لأمير الأب فيها شحوب
عقبك يتيمة.. «يبه».. من بعد ما أحييتها
مدري وش أقول بس ان المدامع تذوب
كلما اتذكر تلاويحه.. ورديتها
طفلٍ مع حشد طلاب المدارس.. نجوب
شوارعٍ كلما جاء حفلنا.. جيتها
الحزن فـ القلب.. لكنه سكن كل صوب
الله يحسن عزاء بلادي على ميتها
يا كبر فقد الوطن.. يا حزن كل الدروب
«وياليت» ما عاد تنفعنا بـ يا ليتها
يا رب عفوك وغفرانك لكل الذنوب
رحل أبونا خليفة.. رافعٍ صيتها
شعر- عادل عبد الله
copy short url   نسخ
26/10/2016
5754