+ A
A -
بقلم: د. سعاد درير كاتبة مغربية
رضِينا بالشُّوكْ
وما رضِيتُو بالشُّوقْ..
قفطان الوَرْدْ
سلْهامه مشقُوقْ..
خلخَال الزِّينْ
يبْكِي على أيَّامهْ
وزمان الذّيابْ
يعْوِي ويسُوقْ..
{{{
واللِّي خَلاَّه صَبْره يطْرَب بالعُودْ
باعُوه النَّاس وخانُوه بالوعُودْ..
{{{
يا حجَر الْوَادْ،
يا النَّازل من جبَال الْحُگْرَة،
دَمْعكْ هوَّادْ
ومَا بِينْ خطوَة والثانية حفرَة..
احسَبْنِي راعِي،
ومجَامر اللِّيل غلاَّيَة..
سَخَّنْ لسانَكْ
بحلو الكلامْ رَاه طفَّأيَة..
{{{
يا حجَر الوَادْ،
إذَا جاريتني تَحْت القنديلْ
يمكَنْ لَكْ توزنْ حرُوف اللِّيلْ
يا حجَر الوَادْ..
{{{
جِيني بلاَّتِي
يا طيفْ خيَاله،
صُبّ الملحُونْ
منْ فُمّ غزَاله،
بلا حاسدينْ وبلا شامتِينْ
تَسقُطْ شامَة منْ طَرْف الْعِينْ..
مُقابِل المفردات المغربية:
- سلْهام: قطعة ثوب أو زَيّ يَتمّ ارتداؤه فوق «القفطان».
- الذّياب: الذِّئاب.
- اللِّي: الذي.
- الْحُگْرَة: الانتقاص من الشأن/ اللامبالاة/ التحسيس بالعجز وقِلَّة الحيلة..
- هوَّادْ: يَنزِل بكثرة.
- غلاَّية: تَغْلِي بقوة.
- راهْ: إنَّهُ.
- طفَّاية: يُطْفِئ.
- توزن: تَزِنُ.
- بلاَّتِي: بِبُطْءٍ (على مهل).
- فُمّ: فَم.
copy short url   نسخ
17/02/2020
740