كتاب وأراء

نرميها في الشبكة!

بقلم: د.سعاد درير
كاتبة مغربية
غَربلْ كلامكْ،
والْـجَمْ لسانكْ،
واحسَبْ حسابْ حمامكْ
لا يَرحلْ ويخَلِّيكْ..
°°°
عِيبكْ غطِّيه بمراية،
وحروفْ الزِّينْ صلاَّية
رَجاكْ فيها مدُّو،
ولا تغلطْ معايا..
°°°
جرحكْ لا تفتَحْ بابُو،
بالدموع عِينيكْ يرطابُو،
واللِّي ما عنْدُو سِيدُو
عنْدُو لالاَّهْ تجِيبُو..
°°°
العقلْ عنْدُو مولاهْ،
والقلبْ لا تغفَلْ داهْ،
والحُبّ بزَّافْ علِيهْ
اِيلاَ بالهجرانْ داواهْ..
°°°
الهمُومْ نرْمِيها في الشّبْكَة
نعْرَفْ شي يطِيحْ وشي يبْقَى،
نفْرَغْ عِينِيَّا منْ البكا،
ونصبَّرْ وجْعِي اِيلا َشكَا..
°°°
عُودْ الرِّيحْ يعْمِي عِينيكْ،
خيط الرُّوحْ يلَقِّي علِيكْ،
واِيلاَ دَارُوها رجْلِيكْ
دِيرْ لِيها فِينْ تجِيكْ..
°°°
مُقابِل المُفْرَدات المغربية:
- لا يرْحَلْ: خَشْيَةَ أنْ يَرْحَلَ.
- مراية: مِرآة.
- حروفْ الزِّينْ: علامات الجَمال.
- صلاَّية: سجَّاد للصلاة وسِوى ذلك (العبادة حُبّاً).
- رجاكْ: رجاؤكَ.
- مدُّو: مُدَّهُ (مَدَّ، يَمُدُّ)، اِجعَلْهُ مبسوطا.
- بابُو: بابه.
- يرطابُو: تَخضع للترطيب.
- اللِّي: الذي، مَنْ.
- سيدو: سَيِّدُهُ ومَولاه.
- لالاَّه: مولاته، سيِّدَتُه.
- تجيبُو: تُحْضِرُهُ أينما كان.
- مولاه: صاحبُه.
- داه: الداء +الضمير (ـه).
- اِيلاَ: إذا.
- الهجرانْ: الهَجْر.
- شي: شيء، بعض منه.
- يطِيحْ: يَسقط.
- البكا: البُكاء.
- عُودْ: الغصن الدقيق كالرُّمْح.
- يلَقِّي عليكْ: يَحفَظك وينجِّيك.
- داروها: تَسبَّبُوا في ألفِعل.
- دِيرْ: هَيِّئْ. (دِيرْ ليها فينْ تجيكْ: تحمَّلْ نتيجةَ ما جَنَتْهُ قَدَماكَ).

سعاد درير