+ A
A -
بقلم:

د. سعاد درير
كاتبة مغربية
رْبِّيتْ الشُّوقْ
على الدَّمْعْ المسْفُوكْ،
فتَّحْتْ الْوَرْدْ
ودَارِيتْ الشُّوكْ..
===
جَارِيتْ اللِّيلْ،
وشربْتُو فنجانْ..
رسِّيتْ الْخُوفْ
وْرَا جنَانْ الرّمَّانْ..
===
ضوَّى الْقَمَرْ، ضوَّى، وسقَانِي كاسْ..
هاجتْ امْوَاجِي في بَحْرْ الإِحْساسْ..
===
توَسَّدْتْ الشُّوقْ، وقْرِيتْ كتَابُو..
وحفَرْتْ اللِّيلْ بصَبِرِي على عذَابُو..
===
النَّارْ.. النارْ باتتْ رَاقْدَة فِيَّا،
وحدِيثْ الرُّوحْ غزَلْته في عِينِيَّا..
===
شهْوةْ اللسانْ ما يدْركْها فنَّانْ،
والعِينْ تبُوحْ وتوزَنْ في الْمِيزانْ..
===
قُفَّةْ الْهوَى ما يجْرَحْها شُوكْ،
وعُودْ اللِّيلْ ما تطْفِيه الدَّمْعَة..
زِيتُو قنْدِيلْ يسرَّجْ الشُّوقْ،
يبَكِّي الاوْتَارْ ويسَكَّتْ الشَّمْعَة..
===
مُقابِل المُفْرَدات المغربية:
-ربِّيتْ: قمتُ بتربيته.
-دَارِيتْ: أَضْمَرْتُ.
-رسِّيتْ: أَرْسَيْتُ.
-وْرَا: وَرَاءَ.
-جنَانْ: ضَيعة، حديقة.
-ضوَّى: أضاءَ.
-قْرِيتْ: قرأتُ.
-كتَابُو: كتابه.
-عذَابُو: عذابه.
-راقْدَة: نائمة.
-ما يدركْها: لا يُدرِكُها.
-توزَنْ: تَزِنُ.
-عُود: الآلة الموسيقية/ عُود الطِّيب.
-زِيتُو: زَيته.
copy short url   نسخ
21/10/2019
2646