كتاب وأراء

بـــــــاب الــصـــــبــــر

بقلم :
د. سعاد درير
كاتبة مغربية
صابرة أنا على امْواجكْ بْزَّافْ يا زماني
وْانْتَ حجَّرْتْ إِحْساسكْ بْزَّافْ يا زماني..
}}}
والشّرُوخْ،
والشّرُوخْ عْرَّاتْ مراية الرُّوحْ..
واللِّيلْ،
واللِّيلْ بكَّأيْ، والعُودْ مذْبُوحْ..
}}}
لسَانْ الحُبّ صيَّادْ المعاني
ودَمْعْ اللِّيلْ بَحْرهْ هاجْ وكواني..
}}}
عْلاشْ، عْلاشْ يا اللِّيلْ بكِّيتْ الْوسادَة؟!
عْلاشْ ذبَلْ وَرْدِي، والشُّوكْ تمادَى؟!
}}}
نجُومْ السّمَا قُدَّامِي شَاهْدَة..
دمُوعْ الشَّمْعَة مَازَالْها زَاهْدَة..
}}}
هِيَ، هِيَ حكايةْ اللِّيلْ ضفِيرَة،
وهُوَ، هُوَ ذِيلْ الزَّمانْ جلاَّدْ،
هِيَ، هِيَ خيمَة اللِّيلْ حصِيرَة
يغْسلْها منْ الْعِينْ دَمْعِي الْهوَّادْ..
}}}
أنا جِيتْ لِبابْ الصَّبْرْ
يعْتقْني بفنْجانْ الْعُمْرْ..
بِهْ قلْبي يطْفِي نِيرانْ الْحَالْ،
ويدَأوِي مَا كَانْ في الزّمانْ مُحالْ..
}}}
عِينِي تتْرَجَّى قبَالةْ بابْ الصَّبْرْ
ورُوحِي تتْشَظَّى، طوَاها الْجَمْرْ..
}}}
اهْدَا، اهْدَا يَا لِيلْ عذَابي
خسَرْتْ أَنَا معَاكْ شبَابي..
}}}
بْغِيتْ ندْخُلْ منْ بابْ الصَّبْرْ،
شفْتْ الدّنيا مَا تسْوَى غِيرْ قَبْرْ..
}}}
حُطّني في مِيزانْ الحُبّ يا الزّمانْ،
وارْسمْنِي ورْدَة فِي لوْحَةْ فنَّانْ..
تفُوحْ أنْفَاسِي بِينْ النَّاسْ،
ترَبِّيهُمْ علَى الْإِحْسَاسْ..
}}}
أَنَا بِينْ اِيْدِيكْ يَا بَابْ الصَّبْرْ..
}}}
مُقابِل المُفْرَدات المغربية:
- بْزَّافْ: كثيرا.
- عرَّاتْ: عَرَّتْ.
- مراية: مِرآة.
- بكَّأيْ: يَبْعَث على البكاء.
- العُودْ: آلة العُود الموسيقية.
- كوَاني: مِن «كَوَى، يَكْوِي، كَيّاً».
- عْلاشْ: لماذا؟
- مازالْها: مازالَتْ.
- الْهَوَّاد: النازل مِن العينين.
- جِيتْ: جِئْتُ.
- يعْتقْني: العِتْق.
- يطْفِي: يُطْفِئ.
- اهْدَا: تَوَقَّفْ.
- بْغِيتْ: أُريدُ.
- ندْخل: أَنْ أَدْخُلَ.
- شفْتْ: رأيْتُ ووَجَدْتُ.
- ما تسْوَى: لا تُساوي.
- حُطّني: ضَعْنِي.

سعاد درير